ABAKHIQIZI BOZALO BETHULA UMDLALO OMUSHA WASENANDA OKUZOLINGISA KUWO OWOKHOZI FM

Mzukulu kaMhlanganyelwa

ABAKHIQIZI bomdlalo oshisa izikhotha uZalo, sebeqhamuke nomdlalo omusha ozoqoshelwa endaweni yaseNanda eMzinyathi. 

Lomdlalo obizwa ngokuthi Amalanga Awafani uzoqala ngoMsombuluko, 28 Ephreli kanti uzothatha indawo yeSkeem Sami ngo 18h30 kuSABC1. 

Lomdlalo omusha uzoba neziqephu ezingu-260 uzokhiqizwa ngabe Stained Glass Production. 

Lomdlalo ozoqoshelwa endaweni yaseMzinyathi, ugxile empilweni yamawele uSabelo noThembi Gumede, abawina ilotho bazithola sebephila impilo yobugwili enezinselelo eziningi ekade bengazilindele.

Lomdlalo uletha ubuso obusha kumabonakude njengoba abadlala indawo yamawele uNontshikelelo Mthiyane noFanele Zulu bebasha kulomkhakha. 

Bakhona nabalingisi abanamagama njengoba kukhona no Melusi Yeni, Velile Makhoba and Sthandwa Nzuza ongumsakazi woKhozi FM.