AMABHANGE AMAKHULU AYAQEDA NGAMA ATM

February 19, 2025 simphiwe 357 Views

Mzukulu kaMhlanganyelwa

Amabhange amakhulu kuleli okunguABSA, Standard Bank,Nedbank kanye no FNB asevale imishini yokukhipha imali engu 238 phakathi kukaDisemba 2023 noJuni 2024.

Isibalo sama-ATM eNingizimu Afrika yonkana sehle ngenani elingilu-400 unyaka nonyaka phakathi kukaJuni 2023 noJuni 2024.

I-Absa, eyayinenani eliphakeme kakhulu lama-ATM ngo-2019, yavala imishini ecela ku-3,500 njengoba amakhasimende ayo eshintshela kwi-e-commerce kanye nezinkundla zedijithali eminyakeni edlule.

I-FNB yehlise inethiwekhi yama-ATM ngo-990, isuka ku-5,780 yaya ku-4,790, phakathi kuka-2019 no-2024.

Yize inethiwekhi yama ATM akwaNedbank ibonakalisa ukwenyuka okuncane ngesikhathi esifanayo, imininingwane yakamuva ikhombisa ukuthi nayo isiqala ukwehla.

Uma kuqhathaniswa, i-Capitec inyuse izinombolo zayo zama-ATM ngo-367 phakathi kukaFebhuwari 2024 no-August 2024.