BABONGA UKUTHI AKABONWA KWI TOP 10 UKHUZANI WENGOMA EBANDAYO
Mzukulu kaMhlanganyelwa
Abantu baseNingizimu Afrika babonga ukuthi akabonwa nangokhalo kwi-Top 10 yengoma ezohlukanisa unyaka kuKhozi FM uKhuzani Mpungose owabangenisa kulonyaka ngengoma ebandayo futhi eyabe ingaziwa muntu.
Lokhu kulandela ukuthi oyisiKhulu sokuKhangisa oKhozini FM uLwazi Mthabela ememezele izingoma ezilishumi ezizovotelwa ukuhlukanisa unyaka.
“Njengoba sasishilo ukuthi abantu sebengaqala ukuvotela izingoma ezizongena kwi- Top 10. Yizo ke lezi izingoma abalaleli boKhozi abazikhethile. Ukuqala ukuvotela ingoma ezohlukanisa unyaka kuzoqala phakathi kwamabili,” kuchaza uMthabela.
Yize abantu behlukene phakathi nge-Top 10 yoKhozi FM kodwa iningi lijabuleka ukuthi uKhuzani Mpungose owabangenisa ngengoma abangayazi onyakeni omusha akekho kuloluhla oluzovotelwa kulonyaka.
Nazi izingoma ezingene kwi Top 10 (Ingoma ezohlukanisa unyaka)
Woodblock DJs – Skuta baba
Thokozani Langa – Thokoza
Mthandeni SK – Gucci
Allen – Unobuhle
Malungelo – Uyavela
Malini – Uthunyelwe abadala
Mjolisi – My Dululu
Black Major – Sdakiwe sbali
Andile KaMajola – Liphakanyisiwe
Zintle Kwaaiman – Sabela