UMaphorisa uyazithethela ngokusolwa kolukaSomthing Soweto

By Sabie Chili

Kubukeka sisahamba phambili ngogazi isihlabani somculi uSomthing Soweto njengoba abalandeli bomculo besilwela ngayoyonke indlela.

Abalandeli balomculi sebeshiye abangalazi kuphrojusa wamapiano uDJ Maphorisa. 

Lokhu kuza ngemuva kokusolwa ngokushiya ngaphandle uSomething Soweto engomeni esanda kuphuma kaMas  Musiq noKawd Weezy ethi  Amalanga Awafani.

Kule ngoma kubhalwe ukuthi kupikwe uDJ Maphorisa no TO Starquality kodwa langafakwa elikaSomthing Soweto.

Lokhu kwenzeka nje liyazwakala izwi lakhe kule ngoma entsha neshisa izikhotha miva nje.

Izinkundla zokuxhumana ezahlukene bezigcwele abalandeli bekhombisa intukuthelo kuDJ Maphorisa.

Bebemsola ngokukhipha inyumbazane uSomthing Soweto kule ngoma.

U-DJ Maphorisa usegxekwe kakhulu ngabanye abaculi abehlukene ngokungenzi okufanelekile kubona.

UMaphorisa ufake ivideo yakhe ku-Instagram wakhuluma bukhoma ezithethelela ngokusolwa kwakhe.

Ugcizelele nokuthi kuningi asekwenzele abaculi abasafufusa kodwa  abalandeli abakunaki lokho, futhi nalokhu asolwa ngakho kuSomthing Soweto akakwazi.